全球逾60間分店 估唔到又幾好食的多利魚@池袋

全球逾60間分店 估唔到又幾好食的多利魚@池袋

無心插柳經過池袋這間 The Manhattan Fish Market,讓我一嚐它的招牌菜 Mediterranean Baked Dory Fish (多利魚),竟然有少少驚喜!為什麼說「竟然」呢?因為這類特許經營餐廳加上快餐唔快餐唔上唔落的定位,我一向好感不大,不過見肚仔餓而食評又不錯便決定一試,估唔到多利魚配個飯又幾好味喎!

the manhattan fish market japan
日本分店落戶池袋。

全球超過60間分店 香港台灣未有份

The Manhattan Fish Market在全球已有超過60間分店,主要集中在亞洲和中東,泰國、馬來西亞、印度、印尼、星加坡等等都有份,日本分店於2015年2月插旗在池袋,香港及台灣尚未有分店。

the manhattan fish market japan menu
有英文餐牌,遊客放心!

香草醃入味的無骨大條多利魚

不過講真,店子話就話靈感來自Brooklyn Bridge一個魚市場,但有誰會期望吃到新鮮海鮮?用冰鮮魚serve你是常識,我但求海鮮不會有雪味醃得好味就夠。好在!我點的多利魚沒有令我失望!一來,很少在超市買到多利魚﹔二來,就算買到我也不會花心機去煮﹔三來,多利魚是龍脷柳個friend,無骨,食得超爽!多利魚用香草醃過後,包著錫紙來烤煮,魚肉很滑又夠味,魚汁都全留起來,又夠大條,good!配長身米飯用海鮮汁煮過,同樣惹味!

加150日圓汽水無限暢飲(六日假期同樣適用)

配汽水只需150日圓,無限暢飲﹔你亦可加100日圓配咖啡或紅茶﹔是日餐湯或沙律可加200日圓。

如果你來日本旅行食太多日本菜食到厭,或者間間爆場搵唔到位,這裡或許是個不錯的選擇。共102個位,算較易搵到位吧!另外,Menu亦設有幾款Lite version,即細size,500多日圓有交易,適合小朋友享用。

The Manhattan FISH MARKET // 東京都豊島区東池袋1-4-2 三経33ビル B1F // 池袋站東口徒步3分鐘 // 11:00-23:00