在日港人東京生活・美食分享

自己燒1KG廣島蠔只需1500日圓! 燒蠔小屋

自己燒1KG廣島蠔只需1500日圓! 燒蠔小屋

早上10時多到達神奈川県的横須賀市,本來要食「海軍漢堡」,點知……「咦?!有燒蠔!」「好多人添喎!」「快D去睇下啦!」我跟2個台灣朋友如是一支箭衝入這間「かき小屋」,我叫它做「燒蠔小屋」。

入口處已經擺滿生蠔,一大兜10-13隻広島産生蠔只售1500YEN!還有其他海鮮如帆立扇貝、大蝦、魷魚、金槍魚等,買好之後有人會帶你入座,然後就自己燒咯!
職員教路,生蠔較平的那面向底,先燒1分鐘,然後反轉燒3-4分鐘,最後就要打開生蠔!我本身麻麻地生蠔,生食我通常婉拒,怕會肚痛,燒蠔還好。試了一隻,什麼調味都沒有,真有一股鹹香!「嘩!真係好鮮喎!完全冇怪味!」是我第一個感覺。
我們還點了金槍魚的腮後部分(マグロのカマ),我看公司介紹相關產品時講到好稀有,又好滑,於是試下,原來咁鬼大塊!好滑我就唔覺,但有魚味冇腥味,都好多肉,落少少柚子醋就V.Good!仲有,燒魷魚都好好味,完全沒有落鹽都覺得好味,又不會韌!
吃了生蠔、金槍魚和魷魚,飲品另計,每人大概1000YEN左右,好抵,而且氣氛超好!

「かき小屋 横須賀店」是期間限定店。
如果想試,可以到新橋恵比寿中野等常設店。
※連結內有地圖。每間店的Menu都不太一樣。