在日港人東京生活・美食分享

【愛上沖繩藍】初潛水體驗

【愛上沖繩藍】初潛水體驗

這篇Blog,跟美食無關,純粹想分享﹕「一個唔識游水、甚至唔知自己怕唔怕水的人終於嘗試人生中第一次o既潛水!」

現在,東京落狗屎,唔好意思失言了,係落好大雨至O岩。
我更加懷念在沖繩海上看著藍天白雲、飛魚跳上海面、乘風破浪的美好時光。
這篇Blog,跟美食無關,純粹想分享﹕「一個唔識游水、甚至唔知自己怕唔怕水的人終於嘗試人生中第一次o既潛水!」

上網一早預約好,10000YEN包體驗潛水+浮潛。
預約好之後,出發前一天會收到電話,幾點在哪裡等,通常都有酒店送迎服務,載你到他們的分店然後一齊上船。不過好奇怪,我準時早上7:35到酒店門口等,過了幾分鐘才收到電話,話佢地司機趕唔切,叫我上的士直接去他的分店。完全打亂了我的陣腳,Anyway,總之是平安到埗,不好的枝節不講太多,只是我覺得好在自己識少少日文溝通到,如果外國客人點算呢你話?!

目的地是慶良間諸島。

我開頭以為會載我們到沙灘上,然後去潛水的潛水,浮潛的浮潛,玩沙的玩沙,Concept錯晒。
上船後還嘻嘻哈哈,教我們怎樣用浮潛的用具,要留意什麼手勢等,
出海後方知大鑊!!好拋呀!!好大浪呀!!!是有離心力然後撇到一臉海水的大浪!而且,好鹹!
對於我這個沒有穿泳衣十年的人,好~鬼~驚呀!

我問靚女姐姐﹕「我地會上沙灘嗎?」「um…應該唔會喇…會成日都在海上!」

沖繩 潛水

OH MY GOD! 開始拗底!

OK,我要讚一讚件潛水衣,真係好浮!一落水個人就浮!But!我硬係無意識地用個鼻去呼吸,入水啦梗係!然後又飲鹹水啦,個人又開始慌。
好在有潛水猛男指導,佢話﹕「係咪唔驚呢?」我話﹕「如果你一直陪住我就唔驚。」「唔會喎!」
「咁如果有浮板就唔驚。」「都唔會有喎!」
我何其低B?去潛水要有浮板?!

後來嘛,我發覺我需要時間去適應,跟其他人不能同步,所以我放棄在第一個SPOT潛水,只是浮潛。慢慢練習呼吸,開始有些少信心,又見到其他人在水底潛水的情況,慢慢就不再怕了。

沖繩 潛水

去到第二個SPOT,一位靚姐姐帶我落水。喂那些潛水裝備真的重到嘔,一掛上身我就覺得好麻煩,發生什麼事的話我怎樣上水面?!
不過,唔可以再怕,要同自己講I can do it!!!起初我依然好抗拒,試了幾分鐘還是要上水面,呼吸順調之後,我就打出OK手勢,可以愈潛愈深了! 雖然不像旅遊書拍的有許多Colorful珊瑚礁,但我都見到不同顏色的魚魚呀!!好開心!好興奮!
在水底,是一個未知的世界,只聽見自己的呼吸聲,一呼,一吸…

與其說潛水令我感動,不如說克服了心理障礙更令我難忘!我做到了!Yeah!

P.S.以為自己不會暈船浪的,事前也請先吃藥,我朋友,嘔了3次…
雖然她一直說﹕「你只是有吃藥而已,沒有什麼值得驕傲!」
我伸舌頭,就是沒有嘔啊!哈! XD